Dia Moment werdi nia vergässa!
Die Lager-Geschichte aus dem Kinderlager 2020
31 Kinder im Alter von 8 bis 13 Jahren und das dazugehörige Leitungsteam sind ins Engadin gezogen, um während einer Woche Gemeinschaft, Spiele, Natur und viel Spass zu erleben. Die biblische Schöpfungsgeschichte bildete den thematischen Rahmen, der täglich ganz viele Naturerfahrungen ermöglichte.
Für den Abschlussabend haben die Kinder eigene Beiträge vorbereitet, einer davon ist die Lager-Geschichte „Ds Tiarlager“ von Lena, Larissa und Anna-Mengia.
Ds Tiarlager von Lena, Larissa und Anna-Mengia
«Ciao Grumli.» «Oh, hoi Trixi.» «Hei, Grumli, ii han as mega iidrücklichs Plakat in dr Stadt gseh, aber ii kann nid läsa.» Do sait dr Grumli: «Ii kann uu guat läsa. Miar könntand in d Stadt goh und üs das Plakat gnauar aluaga.» «Ou, jo, das isch a super Idee,» sait d Trixi. Dia zwai Fründa machand sich uf da Wäg in d Stadt. Uf am Wäg döt hera treffands nò iara alti Fründ, dr Hoppel. Dä nähmands au grad mit. Dr Grumli isch an alta Brunbär und kennt ds Aichhörnli Trixi schò sit klii. Dr wiissi Haas Hoppel mit da langa Ohra kennands au schù uu lang. Wo dia drei in dr Stadt akhömmand, fangts schò aa dämmara. Dr Bär het ds Plakat aber trotzdem nò könna läsa: Freie Plätze im Kinderlager Pradella 2020.
Dr Grumli sait: «So lässig.» Und d Trixi maint: «Mega cool!» Aber dr Hoppel sait: «Hey, das isch doch nù für Menscha.» Noch amana langa Moment sait dr Hoppel plötzlich: «Miar könntandi jo as Lager für Tiar macha!» «Ou jo, das machand miar,» murmlat dr Grumli müad. Sie sägand sich guat Nacht und göhnd hai. Am nöggschta Tag beraitand sie allas für ds Lager vor. Am Morga druf versammland sich alli Tiar im Wald. Am erschta Tag spiilands Versteckis. Wo dia drei Fründa am Obig zemma an da Tisch hockand, sait dr Grumli: «Dr erschti Lagertag isch wunderschön gsii.» «Jo, ganau und dia nöggschta Lagertäg wärdand nò besser!» sait dr Hoppel. Und d Trixi: «Dia Moment werdi nia vergässa!»
Weitere Beiträge der Kinder aus dem Kinderlager 2020 gibt’s hier:
